MWENYE KUVUMILIA MPAKA MWISHO NDIYE ATAKAYEOKOKA

Ibada ya jumapili ya leo katika Usharika wa Mwenge imefanyika leo katika kanisa la Kiinjili la Kilitheri Tanzania (K.K.K.T).

Katika ibada ya leo iliyoongozwa na Mwinjilisti wa Usharika huo mwinjilisti Mwigune na mahubiri yaliongozwa na mchungaji Kiongozi wa Usharika wa Mwenge mchungaji Kaanasia Msangi

Akihubiri katika ibada hiyo mchungaji Kaanasia alisoma neno lenye kichwa kinachosema “MWENYE KUVUMILIA MPAKA MWISHO NDIYE ATAKAYEOKOKA”….Luka 12:35 – 40

Mchungaji Kaanasia alisema kuvumilia ni kumngoja bwana wetu Yesu Kristo

Kabla Yesu Kristo alisema namna ya kuutafuta ufalme wa Mungu kwanza na hayo mengine yote mtazidishiwa

Mungu amewapa ufalme hivyo msiogope kwani Mungu ni muweza wa yote

Aya ya 35 – 36 – Maandalizi ya ufalme ujao .Watu wasiishi kama wenyeji kwani wenyeji wetu sio katika ulimwengu huu; tuishi kama wapitaji tuu

Tufanye bidii katika kufanya kazi; maisha yetu yawe ya utambuzi wa majira na nyakati.

Taa zetu ziwe zinawaka na tuwe na macho yanayoona alisisitiza mchungaji Kaanasia

Utayari huu uwe katika kufanya kazi ya kuutafuta ufalme wa Mungu na vyote vingine Mungu atatuzidishia

Aya ya 37 – 38 – Uheri wa wale walio tayari.

Saa ya kurudi kwa ufalme wa Mungu hakuna ajuaye;hata malaika wa mbinguni hawajui

Mungu anatuhimiza kutokuchola kwa habari ya kumsubiri mwana wa Mungu

Tuishi maisha ya kujikana , maisha ya kujitoa na ni hatari kujitoa katika uvumilivu

Yesu Kristo alisema mtasikia vita huko na huko;ndugu na ndugu watagombana.Muonapo hayo basi mjue ule mwisho umekaribia

Huu ni wakati wa kujiandaa kumlaki Bwana harusi ambaye ni Yesu Kristo kwani muda wa kurudi kwake umekaribia

Atakayevumilia mpaka mwisho huyo ndiye atakayeokoka alimalizia mahubiri yake mchungaji Kaanasia Msangi

Katika Usharika wa Mwenge kuna ibada tatu, ambayo ya kwanza inaanza saa 12.00 asubuhi, ibada ya pili inaanza saa 1.00 asubuhi na ibada ya tatu inaanza saa 4.00 asubuhi