MAOMBI NI SILAHA

MAOMBI NI SILAHA

Maombi ni mawasiliano kati ya mwanadamu (mkristo ) na Mungu

Akihubiri katika ibada ya jumapili ya leo katika kanisa la K.K.K.T – Usharika wa Mwenge mtheolojia Peter Lema  (pichani juu) amesema  maombi yamekua ni changamoto kubwa sana kwa wakristo wa leo.Maombi yamesababisha watu kutanga tanga toka sehemu moja kwenda nyingine na hata mafarakano kati ya waumini na waumini.

Tunapoomba tunaamini Mungu ana uwezo wa kutupa kile tuombacho alisema mtheolojia huyo.Watu wengine wanaomba kwa sauti kuu,wengine kwa sauti ndogo nk

Lakini kuomba hakuna kanuni au muundo maalum wa kuomba, waweza kuomba ukiwa umekaa, au umesimama, au unatembea au hata ukiwa umelala na Mungu anasikia

Lakini ni vyema kumheshimu Yule unayemwomba hivyo ni vyema kuwa  wanyenyekevu wakati wa kuomba.

 

Watu waliodumu kwenye maombi kwenye biblia waliombaje?

Lakini hakuna utaratibu maalum wa kuomba

 

Mahali gani pa kufanyia maombi

Biblia haisemi kama kuna mahali maalum pa kuombea, biblia inasema walipo wawili au watatu kwa jina la Mungu; naye yuko katikati yao.

Unaweza kuomba nyumbani, ofisini, kwenye gar ink, ila mahali tunapoamini kama waumini ni kanisani au hekaluni; japo haitufungi kuomba mahali pengine

 

Sehemu yenye utulivu ni nzuri zaidi kwa ajili ya maombi ila mahali popote pale Mungu anatusikia

Maombi yana changamoto nyingi sana na ndio maana saa nyingine hatupati kile tuombacho sababu ya imani haba au malalamiko kwa Mungu

Tunapenda zaidi kupeleka haja zetu kwa watu wengine mfano mchungaji, mwinjilisti n.k tunasahau kuomba wenyewe , tunataka wao ndio watuombee kitu ambacho si sawasawa

Hata kwa wapendwa wengine wanaringa sababu wana karama ya kiMungu walizopewa mfano ya kuomba , kuimba nk

Kitu ambacho kinaweza sababisha maombi yako yasipokelewe

 

MAMBO YA KUZINGATIA KATIKA MAOMBI

1.Kuepuka dhambi , kwani dhambi inamfarakanisha mwanadamu na Mungu Isaya 59:2

2.Kuomba Roho Mtakatifu atusaidie katika kuomba kwani hatujui jinsi ya kuomba

Yesu Kristo ametupa mamlaka yote kwetu.Na anasema lolote utakaloomba kwa jina lake atakupa

Maombi ni kama mbegu unatia ardhini inahitaji uvumilivu wa kuota na kumea

3.Kumbuka kujitakasa – kuomba toba kabla ya mambo yote ili Mungu apate kusikia sala zetu

Tuwe ni watu wavumilivu wa kungojea kile ambacho tunamwomba Mungu kwani hua anajibu kwa wakati wake.Tusiombe kwa mapenzi yetu ila kwa mapenzi ya Roho mtakatifu alihitimisha mtheolojia Lema

Ibada hiyo ilikua ni maalum ya kusifu na kuabudu ambayo hua inafanyika mara moja kwa mwezi na iliongozwa na mchungaji kiongozi wa Usharika wa Mwenge Mchungaji Kaanasia Msangi