JE NISALI AU KUOMBA KUHUSU NINI?

Je Nisali Kuhusu Nini?
Jibu la Biblia

Unaweza kusali kuhusu jambo lolote linalopatana na matakwa ya Mungu yanayotajwa katika Biblia. “Hata tukiomba nini kulingana na mapenzi yake [Mungu], yeye hutusikia.” (1 Yohana 5:14) Je, unaweza kutaja mambo yanayokuhangaisha? Biblia inasema: “Mimineni moyo wenu mbele zake [Mungu].”—Zaburi 62:8.
Mifano ya mambo unayoweza kusali

Imani katika Mungu.—Luka 17:5.

Roho takatifu, au nguvu za utendaji za Mungu, zikusaidie kutenda yaliyo sawa.—Luka 11:13.
Nguvu za kukabiliana na matatizo na kushinda kishawishi.—Wafilipi 4:13.
Amani ya moyoni, au utulivu.—Wafilipi 4:6, 7.
Hekima ya kufanya maamuzi yanayofaa.—Yakobo 1:5.
Msaada wa kupata mahitaji ya kila siku.—Mathayo 6:11.
Msamaha wa dhambi.—Mathayo 6:12.